Viche e vicarielle

Durante le mie casuali e sporadiche passeggiate per via Caracciolo mi fermo almeno per cinque minuti dando le spalle al mare e gli occhi alle colline. Guardare il mare è come disperdermi e annullarmi, è come evadere dal mio io e farmi trascinare verso un ingiustificato oblìo. Guardare Napoli è ritrovare me stesso, le mie origini, la mia vera identità. Quando guardo le colline di Pizzofalcone e di Posillipo, più che impressione, ho la sensazione che i vicoli di Napoli sembrino tanti fiumiciattoli che si intrecciano, e tutti insieme scorrono verso il mare. Ed è in questo fluire che io avverto ipalpiti del cuore e le voci dell anima di tutto un popolo. Questa mia nuova raccolta di poesie napoletane dal titolo "Viche e Vicarielle", vuole essere per il lettore, un invito a guardare Napoli dal di dentro, ad entrare nei vicoli per cercare le radici della cultura napoletana.

MADAMA DIGNITA’

Scritto da Antonio Ruggiero on .

Una poesia allegorica sulla dignità umana

Io nun ve dico addò l’haggiu ‘ncuntrata,
ma chello ch’è ssuccieso haggia cuntà;
stanotte cammenanno pe’’na strata,
me sento aret’’e spalle ‘e tuzzulià.

M’avoto e vveco ‘na bbella signora
vestuta janca e ll’uocchie chin’’e chianto;
Io m’addimanno:-” Che ffarrà a cchest’ora?
Cert’è ca chesta nun sarrà ‘na santa”.

Ma ‘o purtamento nobbele e ggentile,
po’’na vucella doce e ddelicata,
me fa capì ca chillo nun è ‘o stile
‘e chi va a ffa ‘o mestiere ‘int’’a nuttata.

Lle dico:-” Nè signò’, che vv’è ssuccieso?
Pecché state accussì? Pecché chiagnite?”
Essa me fa:-” N’haggiu subbìte offese
‘a chi nun è cchiù ddegno ‘e chesta vita”.

“ Io so’ chella ca sta dint’’e ppuisìe
e vva parlanno a ttutt’’e sordomute;
songo ‘o prodotto ‘e ‘na filosofìa
stampate ‘ncopp’’e libbre maje liggiute”.

“ Mo stongo ccà,’ncopp’ a ‘stu marciappiere,
sfrattata d’’e ccuscienze ‘e tanta ggente
ca pe’ capriccio o pe’ qquacche ppiacere
‘e n’anema ne fanno ‘na pezzente”.

A ‘sti pparole, sento dint’’e ggamme
nu tremmuliccio ca me fa sbannà.
Io ll’addimanno:-” Ma comme te chiamme?”
Essa scumpare e ddice:-”Dignità!”

This text will be replaced

e-max.it: your social media marketing partner