NU JUORNO CHISA’ QUANNO
Un testamento che ognuno vorrebbe lasciare ai propri cari, imprimerlo nella loro memoria, affinché la nostra vita, i nostri sentimenti, e soprattutto il nostro amore non vada dimenticato, non vada dissolto nell'oblio.
Nu juorno, chisà quanno,
nun nce starraggio cchiù;
chi me varrà cercanno,
guardasse ‘o cielo blu.
Nce truvarrà ddoje stelle,
sempe si piace a Dio;
pe’ vvuje chelli llucelle,
sarranno ll’uocchie mie.
E ssi guardate ‘o mare
quanno se stenne doce,
sentite chiaro chiaro,
nu murmulìo,’na voce...
...’Na voce da luntano
ca suspiranno vène,
pe’ ddirve chianu chiano,
quante ve voglio bbene.
E qquanno scioscia ‘o viento
pe’ vvuje sarrà priezza;
nun è ‘na cosa ‘e niente,
songh’io ca v’accarezzo...
...E’ overo sì, songh’io,
pe’ cchi me penza ancora;
ll’anema ‘a dongo a Dio,
ma a vvuje ve lascio ‘o còre.
