DIMANE....
Il passato rimane nei ricordi, il futuro è incerto, quindi amici: Carpe diem, afferrate l'attimo e vivete il presente in tutta la sua essenza.
Dimane...Ma che mme ‘mporta ‘e dimane
quann’’e ‘sta vita campo ogni mmumento;
si ‘st’uocchie mie guardasseno luntano,
addivintasse cieco overamente.
Dimane...Sarrà doce o sarrà amaro,
‘e chello ca sarrà nun me ne ‘mporta;
io faccio comme fann’’e marenare,
e vvaco addò chest’anema me porta.
Dimane...’O mare è ccalmo o chino d’onne,
chesto sicuramente ‘o ssape Dio;
chi nun è mmarenaro già s’affonna
quann’ ha perduto ‘o senzo ‘e ll’armunìa.
Dimane...’O tiempo nun sarrà maje bbello
pe’ cchi già penza a cchello ca sarrà;
pe’ cchi sott’ a ‘stu sole arape ‘o ‘mbrello,
quanno po’ chiove, che ssuccedarrà?