Napule sott'e 'Ncoppa

Ossia, Napoli vista nei suoi difetti, nei suoi pregi, nei suoi momenti comici, nei suoi momenti tragici e infine sempre con un pizzico di amore e di speranza.

E’ MUORTO....

Scritto da Antonio Ruggiero on .

Fino all'ultimo respiro, il personaggio descritto, proprietario della casa in fitto a Giuseppina chiede alla propria moglie se ha pagato la pigione.

“Sapite niente? E’ muorto don Giacchino...”
‘Na voce.Po’ s’arruvutaje ‘o quartiere.
Se presentaje pe’ pprimma Giusuppina
pe’ ddà curaggio a’ povera mugliera.

Teneva ll’uocchie apierte e ‘a vocca storta;
‘e mmane ca stregnevano ‘e llenzole.
Ma spisso e vvulentieri,’nnanze ‘a morta
se parla senza cuntrullà ‘e pparole.

“Gesù! Ma chillo steve accussì bbello!”
Dicette a bbella posta Giusuppina
E ppe’ ddà nu sullievo a Lucianella...
“Però pare ca dorme don Giacchino”.

“Mo se ne gghiuto,m’ha lascviata sola,
‘sta vita mia sarrà sulo nu chianto”.
E Giusuppina cu nu chiappo a’ gola...
Ma che brav’omme, era proprio nu santo”.

“Mo nun so’ niente,so’ ‘na derelitta...”
Se repigliaje e ddicette bell’ e bbuono...
“Primm’’e murì,sapite che m’ha ditto?
Giusuppina ha pavat’’o pesone?”

e-max.it: your social media marketing partner