'A COZZECA
Una poesia per soli buongustai, se notate qualche doppio senso rideteci sopra.
Si nun nce miette ‘o ppepe dint’’a cozzeca.
e ‘a ‘nfunne bbona bbona cu ‘o limone,
quanno t’’a miette ‘mmocca essa te mozzeca,
pe’ ddì ca a t’’a magnà tu nun si bbuono.
‘A cozzeca è nu frutto delicato,
è ‘na reggina nera ‘e miezz’’e ...scoglie,
ca jenghe primma ll’uocchie e ppo’’o palato
‘e chi ‘e ‘stu frutto tène sempe voglia.
Ne pò bastà una sola ‘int’’o piatto,
una sultanto pe’ te fa sazià;
basta ca ‘a piglia cu dducezza e tatto,
lle faje venì ‘o vulìo ‘e se fa magnà.
‘A cozzeca è nu frutto dispettuso,
nu frutto ca t’ispira ‘na puisia;
si ‘a tiene ‘nnanze e nun ne faje buon uso,
magnete ‘o capitone e così sia.
