‘O SENZA DIO
Per cercare Dio non bisogna alzare gli occhi al cielo né guardare lontano. Bisogna semplicemente guardare dentro se stessi, porsi delle domande e alla Marzullo, cercare di darsi delle risposte.
Totonno è ‘na perzona accussì seria,
ca parla sulamente quann’ è ‘o caso;
sentenno ll’ uosemo d’’a cattiveria,
lle vène nu prurito sott’’o naso.
Ma se sta zitto e ppesa ogne pparola,
‘e chi parlann’’e Dio se scorda ‘e ll’ ate;
‘e chi se crede n’ angelo ca vola,
sulo pecché mo mmò s’è cunfessato.
Totonno, no, nun è nu stinco ‘e santo,
ma spisso chiacchiaréa ‘nzieme cu ll’ io,
pecché diverzamente ‘a tuttu quante,
penza ca proprio llà pò ttruvà a Dio.