CChiù a ssud d''o sud

è una raccolta di poesie, dove le problematiche politiche ed economiche relegano un popolo nei prtofondi abissi dell'emarginazione.Non è una questione puramente geografica, ma mondiale. Come autore mi limito a descriverne gli aspetti reali , le incandescenze di un fuoco che cova sotto la cenere, nell'attesa spasmodica di un riscatto sociale.

ADDORE ‘E PASCA

Scritto da Antonio Ruggiero on .

Le vecchie tradizioni dei giorni precedente la Santa Pasqua,che nei ricordi ritornano e si avvertono vecchi sapori.

'O sole scenne ‘a coppa San Martino
e allumma ‘e stratulelle d’’e quartiere;
ll’aria ch’è accussì ddoce, accussì ffina,
se mmesca cu’ ll’addore d’’e ppastiere.

Ruote ca vanno e vveneno p’’e viche,
ca fann’’o trase e gghiesce addù don Ciccio,
ca tène ancora ‘o furno a llegna antico,
e pprimm’’e Pasca a ttutte quante spiccia.

“ V’arraccumanno…” Dice Giusuppina
“…’E vvoglio cuotte-cuotte e arruscatielle.
Chist’anno ll’aggiu fatte chine-chine.”
E mmolla ‘na pareglia ‘e casatielle.

Cuncetta dice: “ ‘Mpizza ca nce trase!
Jamme né Cì’ ca nce sta spazio ancora;
spannece ‘o ffuoco attorno, raso-raso
e ccuociammille cu’ passione e ccòre.”

‘Nfra tanta casatielle e pizze chiene,
n’addore ‘e Pasca regn’’e vicarielle;
n’addore ca me trase dint’’e vvene,
ca me fa riturnà nu guagliunciello.

A qquanno mamma mia ‘nfra tanta ggente,
purtava ‘o ‘mpasto cu’ ccicule e ‘nzogna;
‘st’addore è ccomm’ a cchillo, e qquann’’o sento,
distrattamente piglio a mmorze ll’ogne.

  
e-max.it: your social media marketing partner