CChiù a ssud d''o sud

è una raccolta di poesie, dove le problematiche politiche ed economiche relegano un popolo nei prtofondi abissi dell'emarginazione.Non è una questione puramente geografica, ma mondiale. Come autore mi limito a descriverne gli aspetti reali , le incandescenze di un fuoco che cova sotto la cenere, nell'attesa spasmodica di un riscatto sociale.

‘A MALATIA D’ERNESTO

Scritto da Antonio Ruggiero on .

Noi napoletani amiamo stare in mezzo alla gente, ma Ernesto se ne fa una malattia. Il resto lo leggete nella poesia.

“Toto’ ma ch’aggia fa…” Me dice Ernesto
“…Stann’’int’’a casa, sento d’ascì pazzo;
sulo arapenn’’a porta è già ‘na festa,
e me ne faccio vicarielle e ppiazze.”

“Addò veco ‘o bburdello io m’arrecréo,
me mmesco ‘mmiezzo e ssento ogne pparola;
quanno so’ sottovoce, ausuléo,
pure si sent’’o sciato, me cunzolo.”

“Sarrà claustrofobbìa, ma nun nce crero,
me piace sulo ‘e sta ‘mmiezz’ ammuina;
e pprimm’’e turnà a casa, quann’è ssera,
me faccio quacche bicchieriello ‘e vino.”

“Io m’arretiro spisso e ssulamente,
quanno p’’o cielo spatruneggia ‘a luna;
me piace ‘e sta talmente ‘mmiezz’’a ggente,
ca a mmorta mia… Voglio ‘a fossa comune.”

  
e-max.it: your social media marketing partner