CChiù a ssud d''o sud

è una raccolta di poesie, dove le problematiche politiche ed economiche relegano un popolo nei prtofondi abissi dell'emarginazione.Non è una questione puramente geografica, ma mondiale. Come autore mi limito a descriverne gli aspetti reali , le incandescenze di un fuoco che cova sotto la cenere, nell'attesa spasmodica di un riscatto sociale.

‘O PIACERE D’’O CCAFE’

Scritto da Antonio Ruggiero on .

Non c'è niente di meglio di una bella tazza di Caffè

‘O ccafè si è ddoce o amaro,
va bbevuto lentamente;
nu piacere accussì ccaro,
pe’ fermarse nu mumento…

Pe’ ttirà nu poco ‘o freno,
pe’ ffermà ‘sti ccorze pazze;
songo tre minute appena,
so’ tre surze ‘int’ a ‘na tazza…

So’ tre surze, tre suspire,
tre carezze vellutate;
è ‘na pausa a ttutt’’o nniro
ca nce assilla e lleva ‘o sciato.

Si se beve ‘ncumpagnìa,
addeventa nu ‘ntrattiene;
nu piacere, n’ armunìa
ca addurgisce tutt’’e ppene.

Si sto ssulo, embè, pacienza,
io m’’o bbevo e ddico:”Embè…
Me purifica ‘a cuscienza,
‘o piacere d’’o ccafè.

This text will be replaced
e-max.it: your social media marketing partner