CChiù a ssud d''o sud

è una raccolta di poesie, dove le problematiche politiche ed economiche relegano un popolo nei prtofondi abissi dell'emarginazione.Non è una questione puramente geografica, ma mondiale. Come autore mi limito a descriverne gli aspetti reali , le incandescenze di un fuoco che cova sotto la cenere, nell'attesa spasmodica di un riscatto sociale.

IO CA CURREVO

Scritto da Antonio Ruggiero on .

Correre dietro ai sogni, agli ideali e poi ritrovarsi con un pugno di mosche tra le mani in un mondo del tutto diverso da quello prospettato in gioventù.

Io ca currevo aret' a 'na bbannèra,
chin''e speranze e ccu nu pugno aizato,
stongo aspettanno ancora ‘a primmavèra,
ma è llonga,troppa longa ‘sta vernata.

Io ca currevo areto ‘a fantasìa
cu’ ll’uocchie ‘nfatuate ‘e chi nce crere;
mo tiro ‘a somma ‘e chesta vita mia,
pochi gghiurnate ‘e sole e ttanti ssere.

Io ca currevo areto a ttanti vvoce,
tutt’’e lamiente ‘e nu populo affritto,
ca comm’ a Ccristo vène miso ‘ncroce,
e stranamente abbozza e se sta zitto.

Io ca currevo e mmo me so’ ffermato,
veco ‘e guagliune ca vanno a bbacante;
nu munno strano e miezu scumbinato,
addò s’affoca arraggia cu’ nu chianto.

Io ca currevo carreco d’orgoglio,
ero putente e fforte comm’ a ll’onne;
‘sta vita d’ogge è ffredda comm’’o scoglio,
e ccomm’’o scoglio ne sfrantumme suonne.

This text will be replaced
e-max.it: your social media marketing partner