CChiù a ssud d''o sud

è una raccolta di poesie, dove le problematiche politiche ed economiche relegano un popolo nei prtofondi abissi dell'emarginazione.Non è una questione puramente geografica, ma mondiale. Come autore mi limito a descriverne gli aspetti reali , le incandescenze di un fuoco che cova sotto la cenere, nell'attesa spasmodica di un riscatto sociale.

CU LL’UOCCHIE TUOJE

Scritto da Antonio Ruggiero on .

Vivere vecchie emozioni attraverso gli occhi d'un figlio anche quando i miei stessi occhi si chiuderanno.

Me veco n’ata vòta guagliunciello
guardanno ‘st’uocchie tuoje lucènte e allère;
me levo ‘a cuollo ‘o pis’’e ‘stu mantiello
e ssento ‘o ddoce ‘e tutt’’e pprimmavere.

Chelle ca po’ pe’ mme so’ già passate
e mmo cu ll’uocchie tuoje vaco guardanno;
tu si’ guaglione e io ca te so’ ppate,
te guardo e ppass’’o tiempo suspiranno.

Ll’anne cchiù bbelle vanno sempe ‘e pressa
e ddurano ‘o mumento ‘e nu surriso;
n’haggiu pavato lacreme ‘e ‘nteresse
passann’’o tiempo cu nu musso appiso.

E mmo cu ll’uocchie tuoje, quant’armunìa,
me miette dint’ a ‘st’anema abbeluta;
suonn’ e speranze toje so’ ppur’’e mmie...
‘E ttengo dint’’o còre annascunnute.

Quanno chist’uocchie mie se chiudarranno
sarrà sultanto nu scherz’ ‘e natura,
pecché chist’uocchie tuoje pe’ mme sarranno,
‘a luce ca me leva ‘a dint’’o scuro.

e-max.it: your social media marketing partner