Non è campanilismo,ma amore per questa mia città che da 3000 anni ha dato tanto all'umanità e ciò nonostante viene trascurata e vilipesa,ma noi napoletani,quelli veraci,sappiamo riscattarci e mostrare al mondo intero che la nostra terra non è un luogo qualunque,ma è e sarà sempre un pezzo di Paradiso.
|
A cchi nun me cunosce e a cchi m’è amico,
voglio rialà’ chesta puisia d’ammore
ch’è nnata dint’’e ppiazze e ddint’’e viche,
addò nce passo e spasso a ttutte ll’ore.
Napule bbella mia,Napulammore!
Quanno fa friddo, dint’’e vicarielle,
è ll’armunia d’’a ggente a ddà’ calore,
e qquanno passo annanze ‘e vascetielle,
d’’e ccafettère se spanne ll’addore.
Napule bbella mia,Napulammore!
E ‘mmiezz’ a’’e ppiazze sento ancora ‘e vvoce
‘e quann’’o populo s’è ffatto onore;
‘a dignità, chesta parola doce,
l’ hamme ‘mpastata cu ssanghe e ssurore.
Napule bbella mia,Napulammore!
Si esiste ancora quacche macchia nera,
quaccuno l’ha vuluta, sissiggnre;
se stenne dint’ a ll’aria quann’è ssera
e ppo’ scumpare quanno splènne aurora.
Napule bbella mia,Napulammore!
Nuje salutamme ‘o juorno cu ‘a speranza,
‘e nce levà’’sti spine, eh cche ddulore!
Napule, cchiù ‘e ‘na storia, è nu rumanzo
ca s’hadda leggere cu ttant’ammore.
Napule bbella mia,Napulammore!
|
|
